എക്കാലവും എന്നമ്മ ചെയ്യും തപസ്സിന് ഫലം
ഇക്കാലവും നിര്ലോപമെനിക്കു ലഭ്യം'
പില്ക്കാലമൊരു പ്രത്യുപകാര വാഞ്ഛ വന്നാല്
പത്തെങ്കിലും ജന്മമെടുക്കണമതു ചെയ്തു തീര്ക്കാന്
ഇന്നേവരെ ഞാന് നേടിയ പണം,പദവി,പ്രശസ്തി
എല്ലാമൊരു തുലാത്തട്ടിലടുക്കി വെച്ചാല്
തെല്ലെങ്കിലുമുയര്ത്തുവതിനാകയില്ല മറുതട്ടിനെ-
ഉണ്ടെങ്കിലതില് അമ്മതന് തപസ്സിണ്റ്റെ ഭാരം
ഒരു പുരുഷനുമതറിയുക സാദ്ധ്യമല്ലൊരിക്കലും
ഒരു തരുണിയുടെ ഗര്ഭകാലക്ളേശമൊന്നും
ഇതുമതിയവളെ ഒരുപടി മുകളില് നിര്ത്താന്
പരിമിതികളെറെയീ സ്ത്രീ ജന്മത്തിലെങ്കിലും
എല്ലാടവും തിങ്ങി നിറഞ്ഞുനില്ക്കും
അവ്യക്തമാം ശക്തിയെ മനസ്സിലാക്കാന്
ഏതെങ്കിലുമൊരു രൂപകല്പന വേണമെങ്കില്
വേറില്ലൊരു ചാരുരൂപമതമ്മ മാത്രം
Subscribe to:
Post Comments (Atom)
3 comments:
അമ്മയില്ക്കവിഞ്ഞ ഒരു ലോകമെന്തുള്ളൂ?അമ്മയെപ്പറ്റി എത്ര പറഞ്ഞാലാണ് മതിയാവുക!
അമ്മയല്ലാതൊരു ദൈവമുണ്ടോ!
ഇല്ല,ശിവാ!ഇല്ല. അമ്മയല്ലാതെ ഒരു ദൈവമില്ല!
Post a Comment